Lamyig

རི་སྐོར་སྤྲོ་འཆམ་གྱི་མྱོང་ཚོར་གསར་པ།   ས་གནས། Peak District  ཐེངས་འདིའི་རི་སྐོར་སྤྲོ་འཆམ་ནི་མཚན་གཉིས་དང་ཉིན་གཅིག་གི་རིང་ལ་དབྱིན་ཡུལ་གྱི་ས་གནས་Peak District’s Win Hill ནས LOOSE HILL Anti clock wise challenge ་བར་གཡོན་སྐོར་ཡུག་གཅིག་གི་གོམ་བགྲོད་དམ་བཅའ་སྟེ། གནས་དེར་ཕྱིན་པའི་ང་རང་གི་མྱོང་ཚོར་དང་། རི་སྐོར་ཤེས་བྱ། ཉམས་མྱོང་མདོར་བསྡུས་བཅས་དྲན་རྟེན་ཆེད་དུ་འཇོག་པར་འདོད། དེ་ལ་ཉིན་དང་པོ་སྟེ། སྤྱི་ཟླ་༥ ཚེས་དགུ་༩ བའི་ཞོགས་པའི་ཐོ་རངས་ཀྱི་དུས་སུ་ནང་ནས་ཐོན། ཆུ་ཚོད་༡༡ དང་ཕྱེད་ཀ་ཡས་མས་སུ Hope Valley ལ་འབྱོར། གནམ་གཤིས་ཚ་དྲོད་སྙོམས་ཤིང་སེམས་པ་དགའ་ལྷང་ལྷང་གི་སྣང་བ་ཤར་ལ། དེ་ནས་ཆུ་ཚོད་༡༢ ་མཚམས་ལ་རི་མགོའི་རྐང་ལམ་ལ་ཞུགས། རྐང་ལམ་སྟོད་ཀྱི་ཟམ་ཆུང་ཞིག་ནས་ཡར་ཤིང་ནགས་ཐར་ཐོར་བརྒྱུད་དེ་སྤང་རི་གཟར་པོ་ཞིག་ལ་སླེབས། དེ་ནས་ཡར་འཛེགས་སྟེ་རི་མགོའི་ལམ་མདོར་འབྱོར། ཡར་ཤར་ཕྱོགས་སུ་ཁ་ཕྱོགས་ནས་དུས་ཡུན་གང་འཚམས་ཤིག་ལ་Win hill ཞེས་པའི་ལ་འགོའི་ས་ཚིགས་དང་པོ་དེ་ལ་འབྱོར། ས་དེར་ང་དང་ངའི་ལམ་རོགས་ཇོ་བསོད་ནམས་གཉིས་ཀྱིས་དུས་ཡུན་རིང་པོ་ཞིག་ལ་ངལ་གསོས་ཏེ་ཉིན་ཟས་ལ་རོལ་བ་དང་ཆབས་ཅིག་Ladybower Reservoir ཞེས་པའི་ཆུ་མཛོད་ལ་རྒྱང་ལྟ་བྱས། ཡུལ་ལྗོངས་འདིའི་་ཡིད་འཕྲོག་པའི་མཛེས་སྡུག་དེ་ནི་ང་རང་གིས་ཡིག་ངག་གཉིས་ནས་བརྗོད་ཐབས་བྲལ། ཇི་འདྲའི་མཛེས་པ་ལ་ཨང་། དེ་རྗེས་ངེད་གཉིས་སྔར་གྱི་རི་ལམ་དེ་བརྒྱུད་ནས་མར་བྱང་ཕྱོགས་ཀྱི་རི་རྒྱུད་ཕྱོགས་སུ་བསྐྱོད། ལམ་བར་ཡུལ་ལྗོངས་ཀྱི་མཛེས་སྡུག་དང་རྣམ་པ་རྣམས་ཚིག་གིས་ལམ་ནས་བཀྲོལ་་བར་ཤིན་ཏུ་དཀའ། མཛེས་སྡུག་གི་རྣམ་པ་དེ་དག་ཚིག་གིས་ལམ་ནས་བཀྲོལ་དགོས་ན་རྒྱ་གར་གྱི་སྙན་ངག་མཁན་པོ་Javed Akhatar་1ལས་གཞན་སུས་བཀྲོལ་ནུས་ཏེ། མི་ནུས་སོ།། ཡང་ཡུལ་ལྗོངས་འདིའི་མཛེས་སྡུག་གི་བཀོད་པ་དེ་རི་མོའི་ལམ་ནས་སྤྱན་ལམ་དུ་འབུལ་དགོས་ན། སྙན་གྲགས་ཆེ་བའི་དབྱིན་ཇིའི་ཡུལ་ལྗོངས་རི་མོ་མཁན་John Constable2 ཁོ་རང་གི་མཛུབ་མོའི་སྒྱུ་རྩལ་དེ་མེད་ན་ཡུལ་ལྗོངས་བཀོད་པ་འདི་ལ་དམའ་འབེབས་་སུ་འགྱུར་སྲིད། གང་ལྟར་ངས་ཁྱེད་རྣམས་ལ་ཡིག་ངག་གཉིས་ནས་འགྲེལ་བའི་ནུས་པས་སྟོང་སོང་། དེ་བས་ཁྱེད་རྣམས་ངེས་པར་ཏུ་ལན་གཅིག་འདིར་ཕེབས་ཏེ་ཡུལ་ལྗོངས་ཀྱི་མཛེས་སྡུག་འདི་རང་སེམས་ཀྱི་མེ་ལོང་ངོར་དངོས་སུ་རི་མོར་བཀོད་ན། མི་ཚེ་་ཧྲིལ་པོ་མི་བརྗེད་པའི་དྲན་རྟེན་དུ་འཇོག་ཐུབ་ངེས། དེ་ནས་ཡང་རི་ལམ་Roman path ཞེས་པའི་ལོ་རྒྱུས་་རང་བཞིན་ལྡན་པའི་རི་ལམ་དེ་བརྒྱུད་ནས་་འགྲོ་སྐབས། ལམ་བར་ཇོ་བསོད་ནམས་ཀྱིས་win Hill … More པིཀ་དྷིས་ཏིཀ Peak District

༩/༠༢/༢༠༢༡ མཚན་མོ་རང་མལ་ནང་བྲིས་། མེཧ་དི་ཧུ་སེན་{Mehdi Hussein} ཁོང་གི་ངོས་སྤྲོད་མདོར་བསྡུས་ཤིག་ཞུས་ན་།  18.07.1927 ལོར་པ་ཀིས་ཐན་ལ་སྐུ་འཁྲུངས་།13.06.2012 ལོར་སྐུ་གཤེགས་། ཁོང་ནི་དུས་རབས་དྲུག་ཅུའི་ནང་གི་ཨུར་དུའི་ Urdu སྐད་དང་རིག་གཞུང་གི་ཁྱབ་ཚད་ཀྱི་འཇིག་རྟེན་ཡོངས་དང་རྒྱ་གར་གྱི་སྤྱི་ཆོགས་ཡོངས་ལ་དབང་གྱུར་བའི་{ Shahenshah-e-Ghazal} གྱེར་དབྱངས་སྙན་ངག་གི་རྒྱལ་པོ་ཞེས་ཆོ་ལོ་མངའ་གསོལ་བའི་གཞས་པ་རྩེ་ཕུད་ཅིག་ཡིན་། ཁོང་གིས་1969 ལོར་པ་ཀིས་ཐན་གྱི་གློག་བརྙན་ {DORAHA} ནང་སྙན་ངག་མཁན་མསུ་རུར་ཨན་ཝར་ {Masroor Anwar} 8.12.1944 Shimla India སྐུ་འཁྲུངས་།1.4.1996 ལོར་སྐུ་གཤེགས་།ཁོང་གིས་མཛད་པའི་གྱེར་དབྱངས་སྙན་ངག་{ Ghazal}  མུ་ཇེ་~ཏུམ་~ནཛར་~སེ་~གི་ར་~ཏོ་~རཧི་ཧོ་།།་་་་་་་་་་་ཁྱེད་ང་ལ་སྣང་མེད་གཏོང་གི། མུ་ཇེ་~ཏུམ་~ཀབྷི་~བྷི་~བུ་ལ་~ན་~སཀོ་གེ །   ནམ་ཡང་ཁྱེད་ཀྱིས་ང་བརྗེད་མི་ཐུབ།། ཞེས་པ་དེ་གཟིགས་མོའི་ལམ་ནས་གློག་བརྙན་ནང་འཁྲབ་སྟོན་སྤྱན་བསྟར་མཛད་། དེ་ནས་བཟུང་དུས་ད་ལྟའི་བར་དུས་རབས་ཀྱི་སྙན་ངག་མཁན་དང་གྲགས་ཅན་གཞས་པ་གཞས་མ་གློག་བརྙན་སྒྱུ་རྩལ་མཁན་བརྒྱ་ཕྲག་མང་པོས་དེའི་ནང་ནས་དམིགས་བསལ་གཞས་པ་གཞས་མ་གྲགས་ཅན་Asha Bhosle,Jagjit Sigh,Chitra Sigh ལ་སོགས་པའི་གྱེར་དབྱངས་སྙན་ངག་འདི་དབྱངས་སུ་ལེན་ཡོད་། དེ་དག་གི་ཉེར་ལེན་ལས་གྱེན་དབྱངས་སྙན་ངག་འདི་ད་ལྟའང་རང་གི་ཉམས་དྭངས་དབྱངས་མི་ཉམས་གསོན་པོར་གནས་ཡོད་། གྱེར་དབྱངས་སྙན་ངག་འདི་གྲགས་ཅན་གཞས་པ་གཞས་མ་ལམ་ཕྲང་སྤྲང་པོ་སོགས་སུ་འདྲ་ཞིག་གིས་དབྱངས་སུ་ལེན་རུང་གདོད་མེད་ངག་དབྱངས་ཀྱི་ཉམས་མི་གྱུར་བར་བྲོ་བ་གསོན་པོ་ལྡན་པ་སུས་སྣ་བའི་བུ་གར་ཐོགས་ནའང་རང་དབང་མེད་པར་ཡིད་དབང་འཕྲོག་སྟེ་གྱེར་དབྱངས་དེའི་ནང་སིམ་པར་གྱུར་། དེ་ལ་ཡིད་སྨོན་མ་བྱེད་མཁན་སུ་ཡང་མེད་། དེ་ནི་གྱེར་དབྱངས་དེའི་སྙན་ངག་མཁན་གྱི་ཚིག་དང་གྱེར་ལེན་པའི་ངག་གི་འགྱུར་ཁུག་གི་བྱིན་རླབས་སམ་གྱེར་དབྱངས་སྙན་ངག་འདི་ལ་སྲོག་དྲོན་མོ་བཞུགས་ཡོད་པ་བདེན་དཔང་ངང་གིས་བསྒྲུབས་། བརྗོད་བྱ་དེ་ལས་འཕྲོས་ཏེ་རང་ཅག་ཁ་བ་རི་པའི་སྙན་ངག་གམ་གཞས་ཀྱི་རིག་གཞུང་རྒྱ་མཚོའི་ཀློང་གི་ནང་ནས་ནོར་བུའི་གཙུག་རྒྱན་དམ་པ་རྟོག་སད་པ་དོན་གྲུབ་རྒྱལ་ལགས་ཀྱིས་བརྩམས་གནང་བའི་མི་རིགས་རང་བཞིན་གྱི་སྙན་ངག་གི་ཉམས་།མི་རིགས་གཤིས་ལུགས་བརྗོད་ཐུབ་པ་།མེས་པོའི་ལོ་རྒྱུས་འགྲེལ་ཐུབ་པ་།མདོང་དམར་མི་རིགས་ཀྱི་མངོན་འདོད་མངོན་ཐུབ་བའི་གསོན་ཉམས་ལྡན་པའི་གཞས་ཚིག་{ མཚོ་སྔོན་པོ་} ཞེས་ནོར་སྐལ་རིན་ཐང་བྲལ་བ་ཞིག་བཞག་འདུག །་དུས་རབས་ཀྱི་གཞས་མ་གྲགས་ཅན་ཟླ་སྒྲོན་ལགས་ནས་མི་རིགས་གཞན་པའི་དྭངས་དབྱངས་འགྱུར་ཁུག་གི་གཟབ་མཆོར་ལེགས་པར་སྤྲོས་ཏེ་བཙན་གྱིས་{ མཚོ་སྔོན་} དབྱངས་སུ་ལེན་འདུག་སྟེ་། ཡིནའང་མི་རིགས་རང་བཞིན་གྱི་བྲོ་རོས་གཏམས་པའི་གཞས་ཚིག་འདི་སྣ་བར་ལྷག་པར་བསུན་པར་བྱེད་པའི་རྐྱེན་ལ་གྱུར་། དེ་མ་ཚད་ཕུལ་འབྱུང་གི་གཞས་ཚིག་འདི་གཞས་པ་གྲགས་ཅན་ཀུན་དགའ་ལགས་ཀྱིས་ཀྱང་ནེ་ཙོར་མི་སྐད་བསླབས་པ་ལྟ་བུས་ཉམས་འགྱུར་ཅི་ཡང་མེད་པ་ཞིག་བཏང་བའི་ངལ་བ་བརྩལ་། ད་དུང་གཞས་པ་གཞས་མ་མང་དག་ཅིག་གི་མིའི་ལད་མོ་སྤྲེའུ་བྱས་ཟེར་བ་ལྟར་ཕུལ་འབྱུང་གི་གཞས་ཚིག་{མཚོ་སྔོན་མོ་}འདི་དབྱངས་སུ་ལེན་འཁུལ་མཛད་ནའང་གཞི་ཆུ་འགོ་སྒང་ནས་བསྙོགས་ཚར་དུས་ཕྱི་རབས་ཀྱི་གཞན་པ་གཞས་མ་རྣམས་ཀྱི་གཞས་འདི་ལ་བྲོ་བ་སྲེ་ཐུབ་མིན་འདུག་། དེ་ནི་ཁྱེད་རྣམས་ལ་ཐུགས་ཀ་མ་མཆིས་། གལ་ཏེ་སྙན་ངག་མཁན་དམ་པ་དོན་གྲུབ་རྒྱལ་འཚོ་བཞུགས་ཡོད་ཚེ་ཁོང་ཉིད་ནས་གཞས་དེ་དག་རྣ་བས་ཐོས་ན་སླར་གཞས་ཚིག་མི་བརྩམས་འགྱུའི་ཐ་ཚིག་བསྒྲགས་པར་ངེས། འཆར་སྣང་ཇུས་བཀོད་དམ་པ་དོན་གྲུབ་རྒྱལ་གྱི་གཞས་ཚིག་{ མཚོ་སྔོན་པོ་} དེ་ དུས་རབས་ཀྱི་དུང་ལེན་པ་གདུ་བྷེ་ལགས་ཀྱི་མགྲིན་དབྱངས་ཀྱི་འགྱུར་ཁུག་དང་གྲགས་ཅན་གཞས་པ་བཀྲས་ཆུང་ལགས་ཀྱི་སྒྲ་སྙན་རྟ་མགྲིན་དབང་རྒྱལ་གྱི་རྒྱུད་སྐུད་མཉམ་པོར་འགྲོགས་ནས་དབྱངས་སུ་གྱེར་ཡོད་ན་ད་གཟོད་{མཚོ་སྔོན་པོ་}འཆི་མེད་ཚེ་རིང་གི་དངོས་གྲུབ་ཐོབས་ཏེ་མཚོ་སྔོན་པོའི་རྒྱ་ལས་གྲོལ་ཏེ་མི་རབས་ནས་མི་རབས་མི་རིགས་ཀྱི་འཕར་ལྡིང་གི་སེམས་ཁམས་ནང་མཚོ་སྔོན་པོའི་གཞས་ཀྱི་བག་ཆགས་གསོན་པོ་ཞིག་བཞག་ཐུབ་ངེས་། མཇུག་སྡོམ་དོན་གྲུབ་རྒྱལ་གྱི་གཞས་ཚིག་མཚོ་སྔོན་པོ་ད་ཆ་ཤི་མ་གསོན་གྱི་གནས་སྟངས་འོག་གནས་འདུག་པས་སྙན་ངག་མཁན་གྱི་ལས་འགན་འཐུས་ཚང་གྲུབ་ཟིན་འདུག་སྟེ་གཞས་པ་གཞན་མ་ང་ཡིན་ཁོ་ཡིན་རྣམས་ནས་གཞས་ཚིག་འདི་གསོན་པོར་འཚོ་བར་རམ་འདེགས་ཅང་བྱུང་མེད་པར་སྙམ་༎ དམ་པ་དོན་གྲུབ་རྒྱལ་ལ་གཞས་པ་གྲགས་ཅན་མེཧ་དི་ཧུ་སེན་ལྟ་བུ་ཞིག་ལས་སྐལ་ལ་མི་ཐོབ་པ་ཅི་ཡིན་ནམ་། ཁོང་གི་བསོད་ནམས་ཀྱི་ཚོགས་མ་སྨིན་ནམ་ཡང་ན་དག་ཅག་གི་སྤྱི་མཐུན་ལས་མ་རྫོགས་སམ་། 

༢༠༢༠་ལོའི་ཕྱི་ཟླ༡༢་ཚེས་༣༡་འགོང་མོ་དྲྭ་རྒྱའི་ནང་ཡུས་ཙམ་ཞིག་མྱུལ་བས་{ཚ་བ་མདའ་སྨྱུག་}གི་བརྩམས་ཆོས་ཀྱི་དཔྱད་རྩོམ་དང་རྣམ་མཐར་མང་དག་ཅིག་མཇལ་ ། དཔྱད་རྩོམ་རྣམས་བཀླགས་པས་བརྒྱུད་རིམས་ནས་ཁོང་གིས་ང་ཚོ་མི་རབས་གསར་པ་ལ་བཞག་པའི་ཕ་གཞི་ནོར་སྐལ་གསེར་གྱི་པོ་ཏི་{ ཕྱིར་རྟོག}ཞེས་པ་ཞིག་ཡོད་པ་ད་གཟོད་ཤེས་། མཚན་དགུང་ལ་{ཕྱིར་རྟོག་}ཞེས་པའི་དཔེ་དེབ་དེ་དྲྭ་རྒྱའི་ནང་གཏེར་ཁའི་ལས་མི་བཞིན་གང་འཚམས་བྲུས་ ༎ ངལ་བ་སྟོང་ཟད་ལག་སོན་གང་ཡང་མ་བྱུང་། གུས་པ་ནི་ཚ་བ་མདང་སྨྱུག་གི་རྩོམ་དེབ་གང་འདྲ་ཞིག་ལག་ཏུ་ཐོབ་ན་སྙམ་པའི་སྐོམ་པ་ཆུ་འདོད་ལྟར་ཁོང་གི་དཔེ་དེབ་ཅི་རུང་་ཞིག་ལག་སོན་བྱུང་ན་ཅི་མ་རུང་གིས་འདུ་ཤེས་དྲག་པོས་དུངས་པས་སྐབས་གློ་བུར་དྲན་ཤེས་ལ་༢༠༡༨་ལོར་རྒན་ཀུན་དགའ་ཡི་བུ་མོའི་སྐྱེས་སྐཪ་སྐབས་ཀྱི་གླེང་མོ་དང་ཁོང་གི་དཔེ་དེབ་ཁང་གི་དཔེ་ཁྲི་སྟེང་གི་དཔེ་དེབ་འགའ་དྲན་བྱེད་ཡིད་དབང་ལ་ལྷེམ་མེར་གསལ་ཕྱི་ཉིན་གནམ་ལོ་གསར་ཚེས་ཀྱི་མཚམས་འདྲི་བསུ་བ་དང་སྦྲགས་རྒན་ཀུན་དགའ་ལགས་ལ་ཞལ་དཔར་ཞིག་ཕུལ་བའི་ཞོར་ལ་” རྒན་ལགས་”ཚ་བ་མདའ་སྨྱུག་གི་དཔེ་དེབ་ཡོད་པས་དྲིས།” རྒན་ལགས་ནས་མགྲིན་ཅིག་དབྱངས་ཅིག་གིས་ཡོད་ཡོད་དོ་གསུངས་སོ་། རྒན་ལགས་ཀྱི་ལན་འདེབས་དེ་ནི་གུས་པར་མཐའ་འཁོབ་མུན་པའི་གླིང་ན་” གསེར་ཞུན” རྙེད་པའི་དགའ་ཚོར་སྟེར་། དགའ་སྤྲོས་སྤྲོ་སེམས་འཁོལ་བས་དེ་མ་ཐག་དཔེ་དེབ་དེ་ང་ལ་གཡར་བ་ཞུ་བཅས་གསོལ་འདེབས་ཞུས་བ་དང་རྒན་ལགས་ནས་ཞལ་བཞེས་བཟང་མོ་ཐོབ་། འགོང་མོ་ཆུ་ཚོད་ ་༨་༣༠་ ཐོག་ལེན་རྒྱུའི་དུས་བཏབ་། ཆུ་ཚོད་༨་༣༠་ཐོག་རྒན་ལགས་གྲང་ངར་ཆེ་བའི་ཕྱི་ལོག་མོ་ཀྲའི་ལམ་ཕྲང་ལ་ངང་སྒུག་ཡོད་པ་མཇལ་། སྐུ་ཉིད་མཇལ་བ་དང་མཚམས་འདྲིའི་བཀྲིས་བདེ་ལེགས་ཀྱིས་བསུས་ཏེ་གླེང་མོར་གྲོས་སྐབས་རྒན་ལགས་ནས་དཔེ་དེབ་དེ་གུས་པར་བྱིན་།དེབ་དེ་ལག་ལ་འཐོག་པ་དང་ཆབས་ཅིག་མདུན་ཤོག་སྟེང་རིག་བྱེད་མིག་དབང་གིས་མིག་ཤེར་འཕངས་བས་མངོན་པར་གསལ་བ་ནི་{ ཕྱིར་རྟོག}=={ ཚ་བ་མདའ་སྨྱུག} ཕྲ་ལྷེམ་མེ་མདངས་༎ དེབ་དེ་ལག་ལ་རག་པ་དང་འཐོབ་མི་སྲིད་པའི་དངོས་པོ་ཞིག་རྙེད་པ་ལྟ་བུའི་དགའ་འཚོར་ཀྱིས་སེམས་པ་ཧ་ཅང་ཚིམས༎སྐབས་དང་བསྟུན་ནས་གུས་པའི་བཟོས་པའི་རོ་བརྒྱ་བཅུད་སྟོང་ལྡན་པའི་{ སྣུམ་བཙོས་སི་པན་}༼Chilli Oil ༽ཤེལ་དམ་ཆུང་མ་འབྲིང་གཅིག་ཁུར་ཡོད་པས་དེ་རྒན་ལགས་ལ་ཕུལ་སྟེ་ { སྣུམ་བཙོས་སི་པན་}དེའི་འགྲེལ་བཤད་མདོར་བསྔུས་ཤིག་ཞུས་ཏེ་”སུ་པན་འདི་མཉེས་པོ་མཆོད་རོགས་བགྱི་༎” གྱེས་བྲལ་མཚམས་འདྲི་ཞུ་བ་དང་སྦྲགས་རང་གནས་ཕྱོགས་སུ་ལམ་སྣེ་འགྲིམས་༎ མཚམས་འདིར་ཞུ་འདོད་པའི་སྙིང་པོ་ནི་རང་ཉིད་ལ་རིག་གནས་ཀྱི་ཚིག་ཕྲད་སུམ་དག་ལྡེབ་སྦྱོར་གང་གི་ཐད་ལ་སྦྱང་པ་ཤིན་ཏུ་ཆུང་བས་མི་ཚེ་ཅོང་དང་གོག་སྐྱའི་ཤུན་པགས་ནང་ལ་ཟད་པའི་ཚལ་གཏུབ་ཐོག་པའི་མ་བྱན་གྱི་འཚོ་ཐབས་ལ་བསྙེགས་པའི་རྨོངས་བརྟུལ་ཞིག་གིས་དུས་རབས་གསར་པའི་བསམ་ལོ་བ་གྲགས་ཅན་ཚ་བ་མདའ་སྨྱུག་གི་དཔེ་དེབ་བཀླག་པའམ་ཁོང་གི་ཟབ་པའི་དགོངས་གཞི་རྣམས་ལ་འདི་དང་དེ་ཞེས་ཁ་ཚོན་བཅོད་པར་བརློམ་པ་ཀུན་གྱིས་ཞལ་གད་དང་འཕྱ་ལད་སྨ་འབེབས་སྡིགས་པས་གནས་སུ་གྱུར་བ་གོར་མ་ཆགས་། འདིར་ངས་ཚ་བ་མདའ་སྨྱུག་གི་རྗེས་སུ་བསྙེག་པའི་དགོས་པ་ནི་ཁོང་གིས་གླུ་མ་སྐལ་བཟང་མེ་ཏོག་ལ་བཅངས་བའི་བརྩེ་དུང་གི་གསང་བ་འཚོལ་འདོད་པ་དེ་ཡིན་།

བདང་དགོང་མཚན་མོ་གཉིད་འགོ་མ་བརྩམས་གོང་དྲ་རྒྱའི་ནང་མྱུལ་བས་དུས་རབས་གསར་པའི་བོད་ཀྱི་རྩོམ་རིག་སྒྱུ་རྩལ་བ་མཁས་དབང་དོན་གྲུབ་རྒྱལ་གྱི་གྲགས་ཅན་རྩོམ་སྒྲུང་{སད་ཀྱི་བཅོམ་པའི་མེ་ཏོག}་བརྙེད་སོང་། རྩོམ་སྒྲུང་དེ་ནི་ངེད་ཀྱི་དགའ་ཤོས་ནང་གི་རྩོམ་སྒྲུང་ཞིག་ཡིན་། རྩོམ་སྒྲུང་དེ་མཇལ་མ་ཐག་བཀླགས་འགོ་བརྩམས་པ་ཡིན་། ངོས་ཤོག་འགོ་བརྩམས་པ་ནས་ཟུང་མཇུག་གི་ཤོག་བུ་བར་ཀློག་ཐེངས་གཅིག་ལ་དབུགས་ཀྱི་རྒྱུ་བ་ཡང་མི་བཀག་པར་རྩོམ་སྒྲུང་དེའི་མཇུག་བསྡུས། མཚན་དགུང་གི་དུས་ཡུན་དེ་ནི་དེ་འདྲའི་འགྲོས་འགྱོགས་པ་ནམ་ཕྱེད་ཀྱི་སྐྱ་རེངས་ཡང་བསུས་ཚར་འདུག། ཡིནའང་གུས་པར་ད་དུང་ཡང་གཉལ་བའི་གཉིད་མིག་ལམ་ནས་རིང་པོར་ཡེར་སྟེ་སེམས་པའང་སྐྱོ་ལྷང་ལྷང་སྟེ་བློའང་མི་བདེ་བས་སྟོང་སངས་སངས་ཀྱིས་ལྷ་སྐྱིད་ཀྱི་ལས་དབང་ལ་བསམ་ཞིབ་མི་བྱས་ཀ་མེད་བྱུང་། ཁོ་མོའི་ལས་དབང་ནི་ཆེད་དམན་པ་བརྩེ་དུངས་དེའི་ཆེད་དུ་ཡོངས་རྗོགས་བློས་བཏང་ཀྱང་མཐའ་འབྲས་བདུད་རྩི་ལོངས་སུ་སྤྱོད་པའི་སྐལ་བཟང་གི་དགའ་སྟོན་མ་ཐོབ་པའི་བུ་མོ་ལས་ངན་ཞིག་ཏུ་སྣང་༎  ཁྱེད་ཀྱི་ལྷག་བསམ་ཟོལ་མེད་ཀྱིས་ཚེ་རིང་ལ་བཅངས་པའི་བརྩེ་དུང་འདིས་དུས་རབས་དེའི་ཕོ་གསར་ཤར་མ་ཡོངས་ཀྱིས་རེ་བ་ང་ལའང་ལྷ་སྐྱིད་ཀྱི་ལྷད་མེད་འཛུམ་མདངས་། དགའ་མགུས་ཡིད་རོལ་བའི་བརྩེ་དུངས་མིག་ཞགས་འཕངས་ཉམས་བསྐོམ་པ་ཆུ་འདོད་ལྟར་ཉིན་མཚན་གཏོལ་མེད་ཡིད་ལ་ལྷག་པར་བསྐེམས་།དུས་རབས་དེའི་ཕོ་གསར་ཡོངས་ནས་ཚེ་རིང་ལ་ཕྲག་དོག་གིས་སྡངས་༎ དུས་རབས་ཀྱིས་དམན་ཤར་བུ་མོ་ཡོངས་ནས་ཀྱང་ཚེ་རིང་ལ་དེ་འདྲ་ལྷ་སྐྱིད་ཀྱི་བློ་ཁ་འགུག་ཐུབ་པའི་མི་མངོན་པའི་སྒྱུ་འཕྲུལ་གྱི་ནུས་པ་ ། སྒྱུ་འཕྲུལ་གྱི་རྗས་ཅི་ཡོད་མཉམ་པས་འཕྱང་མོ་ཉུག་༎མོ་ལས་ང་མཛེས་འགྲན་སེམས་ཀྱིས་སྙིང་རླུང་ལངས་༎ཇི་ལྟར་ཡང་ཁྱེད་ཀྱིས་ཚེ་རིང་ལ་བཅོལ་བའི་བརྩེ་དུང་གི་དམ་བཅའ་ནི་གངས་དཀར་རི་བོ་ལས་དངས་ཤིང་དཀར་བ་རི་རྒྱལ་ལྷུན་པོ་ལས་ལྗིད་ཞིང་བརྟན་པ་།བདག་ནི་ཁྱེད་ཀྱི་མི་གཤིས་ལ་ཡིད་ཞེ་མ་ནས་མགུ་།སྐབས་གར་ཁྱེད་ལའང་ཤ་ཚ་།སྐབས་གར་ཁྱེད་ལ་གདུང་སེམས་མཉམ་སྐྱེད་ཀྱིས་ཁྱེད་དང་འགྲོགས་ནས་ཚེ་རིང་གི་སར་སྐྱེལ་མར་བྱས་ཐུབ་ན་བསམ་པའི་འདུ་ཤེས་དྲག་པོའང་བསྐྱེས་༎སྐབས་གར་ཞེ་དྭངས་དྲག་པོས་ཚེ་སྐྱིད་ཀྱི་ཕ་མི་གཤིས་གཏུམ་པོ་སྙིང་ཞེན་ཁེངས་དྲེགས་ཅན་ལྐུག་པའི་བྱ་སྤྱོད་ལ་ཞེ་དྭངས་ཀྱིས་མེ་འབར་། སྐབས་གར་ལྷ་མོ་དང་རི་གཡག་གཉིས་ལའང་གནད་དོན་དེའི་འགན་འཁྲི་ཁྱེད་གཉིས་ལ་དཀྲིས་ཏེ་ཁོང་ཁྲོས་སྡིག་མོ་བྱས་། སྐབས་གར་རང་དོན་འཁོག་བཅུགས་ཀྱིས་མདུན་ལམ་རྗེས་སྙེགས་ལས་ངན་ཚེ་རིང་ལའང་ཞེ་འཁོན་འཛིན་ཏེ་ལྷ་སྐྱིད་ཀྱི་ལྷད་མེད་བརྩེ་དུང་གི་མེ་ཏོག་བཅོམ་པར་བྱེད་མཁན་སྡུག་རྩུབ་དྲག་ཆར་སྙིང་རྗེ་མེད་པའི་སད་ནི་ཁྱེད་ཉིད་དོ་ཞེས་ཡང་ཡང་གཤེ་༎