མཆོད་རྟེན་བྱ་རུང་ཁ་ཤོར་བགྲོད་པའི་ལམ་ཡིག། ལམ་ཡིག་འདི་རྩ་རི་གནས་སྐོར་ལམ་ཡིག་གམ་ཆག་ལོ་ཙ་བའི་ལམ་ཡིག་ལས་ཏོག་ཙམ་ཁྱད་པར ཡོོད། འགྲོ་བ་པོའི་དམིགས་པ་དང་དད་པ་ལ་ཁྱད་པར་མ་མཆིས་རུང། འགྲོ་སྟངས་ཀྱི་ཆ་ནས་ཁྱད་པར་ཡོད།  འགྲོ་སྟངས་གང་འདྲ་ཞེ་ན། གནས་སྐོར་བ་དངོས་དཀྱིལ་འཁོར་རམ་ཞལ་ཡས་ཁང་གི་རྟ་བབ་ནང་བཞུགས་བཞིན་གོམ་པས་སྐོར་ལ་བསུ་དགོས། གནས་སྐོར་བ་གནས་གཞི་ངོས་བུའུ་དྷ་ལ་སླེབས་ཟིན།  གཞུང་ལམ་འགག་སྒོའི་མདུན་ནས་མཆོད་རྟེན་དངོས་མཇལ། ད་ལྟ་རང་ཉིད་ནུབ་བྱང་མཚམས་༢༠༠་ཕྱོགས་ན་ཡོད། གནས་གཞི་ངོས་མཆོད་རྟེན་གཞུང་ལམ་ཆེན་པོའི་འགྲམ་ན་ལག་གཡོན་ན་རྡོ་བྱེ་བཟོས་པའི་རྒྱ་སྒོ་དཔངས་མཐོ་ཚད་མི་ཏྲར་༡༠་ལྷག་་གཡས་གཡོན་གྱི་ཁང་དམར་་ཐོག་རྩེགས་གསུམ་ཅན་གྱི་ཉིས་རྩེགས་བར་ཐུག རྒྱ་སྒོའི་ཐོག་རྒྱ་འཕིབས་ཀྱི་སྟེང་འབྲུག་ཁ་སྤྲོད་དཀྱིལ་ལ་མཆོད་རྟེན་ཆུང་ཆུང་གཅིག མཐའ་གཉིས་ལ་འབུམ་ཟུང་གིས་བརྒྱན་པ། རྒྱ་སྒོའི་ཀ་བའི་གཞོག་གི་འབུར་བརྐོས་གཡས་གཡོན་ལ། བཀྲིས་པའི་མཚན་མ་རི་མོ་འབུར་བརྐོས་འཕྲེད་ལ་བཞི་བཞིས་དེའི་འོག་རྡོ་རྗེ་བརྒྱ་ཀྲམ། ཀ་བའི་གཞོག་ཕྱིའིགཡས་གཡོན་ལ་ཟླུམ་སྒོར་ཀ་ཕྱེད། དེའི་སྟེང་ལ་སེང་གེ་མཆེ་བ་རྩིགས་པ་གཉིས། ནང་གི་ཀ་བའི་གཞོག་ལ་ཕྱིའི་འབུར་རྐོས་རི་མོ་་ཅིག་ཚུངས་མཆིས། རྒྱ་སྒོའི་རྒྱ་འཕིབས་དང་ཀ་བ་ནང་མའི་བརྐོས་པ་ནི་པད་ཕྱེད་བཀོད་པའི་སྟེང་ཛིན་བག་ཆུ་སྲིན་ཁ་ན་འབྲུལ་འབྲུལ་གི་མགོ་མཇུག་གཉིས་ལག་གཉིས་ཀྱིས་བཟུང་། དེའི་འོག་ན་འབྲུག་ཆུང་ཟུང་། དེ་ནས་ཡར་  རྒྱ་སྒོའི་མཚམས་ནས་མཆོད་རྟེན་འདི་ཕྱོགས་གཞལ་སྐབས་ས་ངོས་སྙོམ་ཐིག ནུབ་བྱང་གི་༣༤༤་ལ་འདུག རྒྱ་སྒོའི་ནང་མར་ཞལ་ལ་རྡོ་གཅལ་འགྲུ་བཞིས་ཕི་ཀྲི་གཅིག་དང་ལྷག་གི་རྡོ་ལེབ་སྒྲིག་འདུག རྡོ་གཅལ་དེ་ནས་ཡར་གོམ་༨༧་། ཕི་ཀྲི༨༥ས་༩༠་མཚམས་ལ་མཆོད་རྟེན་གྱི་རྟ་བབ་དང་པོ་ལྕགས་རིས་ཕྱོགས་གཉིས་ནས་མཐུད་མཚམས་རྟ་བབ་གཞོག་རྡོ་བྱེ་རྩིགས་པ་རྒྱང་ལ་ཤིང་གི་འབུར་བརྐོས་རི་མོའི་སྒོ་གཉིས་ལ་བཀྲིས་རྟགས་བརྒྱད་ཀྱིས་བརྒྱན་པ། རྟ་བབ་མདུན་ངོས་ལ་ZINPA་འཛིན་པའི་རི་མོས་བརྒྱན་པ། རྟ་བབ་སྟེང་ཐོག་ལ་མཆོད་རྟེན་གྱི་གཟུགས་འདྲ་བའི་ཏོག་གསུམ་ཡོད། རྟ་བབ་མདུན་ངོས་ལ་རྡོའི་མཆོད་རྟེན་མི་ཀྲིར་གཉིས་ཙམ་མཆོད་རྟེན་འབུམ་པའི་མཚམས་ན་སྟོན་པའི་སྐུ་ཕི་ཀྲི་གཅིག་ཙམ་ཕྱོགས་བཞི་ལ་སྐུ་རེ་རེར་ཡོད་པ་ཞིག་འདུག་ སྐུ་དེ་ཡང་ཤར་གྱི་ཕྱོགས་ཀྱི་ཁྲུ་གང་མ་འདི་སློབ་དཔོན་ཀླུ་སྒྲུབ། རྟ་བབ་འདི་གཞུང་སྒོ་ངོ་མའི་མཚམས་ན་རྟ་བབ་དང་པོ་ཁ་ལྷོ་ནུབ་༢༠༠་ལ་ཕྱོགས་ཡོད། དེའི་ཟུར་རང་ལ་དབྱེན་དུམ་མཆོད་རྟེན དེ་ནས་རྩིགས་མཚམས་དང་པོ་ནས་སྐོར་ར་འགོ་བཙུགས་ནས་རྩིགས་པ་དཔངས་ཕལ་ཆེར་ཕི་ཀྲི་༨་ལྷག་རྩིགས་ཞེངས་ཕི་ཀྲི་༢ནས་༣་ཚོད་དཔག་བྱས། ལྕགས་རི་དེའི་སྟེང་མ་ལ་མཆོད་རྟེན་བྱད་གཟུགས་ཀྱི་ཏོག་ཕི་ཀྲི་༢་ཙམ་རྒྱང་ཕྲག་མི་ཀྲར་༢་མཚམས་ན་ཏོག་རེ་རེས་རྟ་བབ་དང་པོའི་རྩིགས་ཟུར་ནས་རྩིགས་མཐའ་བར་ཏོག་༨་བརྒྱན་འདུག   ༡་རྩིགས་གཞོག་ལ་ཕི་ཀྲི་གཉིས་ལྷག་གི་མི་ནི་ལག་འཁོར་གྱི་ཤིང་སྒྲོམ་༨་དང་མདུན་ལྕགས་ཀྱི་དྲ་བ་འཁེབ་པ་དེའི་ནང་མི་ནི་ལག་འཁོར་ཕི་ཀྲི་གཅིག་ཙམ་བྱས་པ་ལྔ་རེ་རེ་འདུག ལྕགས་རི་དང་པོ་ཟུར་ཕྱི་ལ་གཟུགས།  ༢་ ལྕགས་རི་གཉིས་པ་གོང་བཞིན་མཚམས་མཐུད། ཏོག་༡༠་དང་མི་ནི་རྩིགས་གཞོག་ཤིང་སྒྲོམ༡༡་དེའི་ཤིང་སྒྲོམ་གཅིག་གི་ནང་མི་ནི་ལག་འཁོར་༥་རེ་རེ། ༣ ལྕགས་རི་གསུམ་པ་དང་བཞི་པའི་མཐུད་མཚམས་ལ་མཆོད་རྟེན་གྱི་རྣམ་པ་ཡིན་པ་ནང་ཁུངས་དམིགས་ཕི་ཀྲི་༢་ཙམ་བྱས་པ་ཞིག ཁ་ལྷོ་ནུབ་༢༣༢་མཚམས་ལ་ཕྱོགས་པ་རྒྱལ་ཆེན་བཞིའི་ཡ་གྱལ་རྒྱལ་ཆེན་སྤྱན་མི་བཟང་ཕྱག་གཡོན་པས་མཆོད་རྟེན་དང་གཡས་པས་འབྲུལ་བརྣམས། མདུན་སྐོར་ལམ་མཚམས་ན་Tibet trade house/ Khasyor cafe ཡོད།  མཆོད་རྟེན་ལྕགས་རིའི་ཟུར་ཕྱི་ལ་གཟུགས།  ༤་ མུ་མཐུད་རྩིགས་མཚམས་ལྕགས་རི་བཞི་པ་ལ་ཏོག་༨་དང་མི་ནི་ཤིང་སྒྲོམ་༩་དང་དེའི་ནང་མི་ནི་ལག་འཁོར་༥་རེ་རེ། ཟུར་གསུམ་པ་ཕྱི་ལ་གཟུགས། ༥་ ལྕགས་རི་ལྔ་པར་ཏོག་༨་དང་མ་ནི་སྒྲོམ་༩་དེའི་ནང་མ་ནི་༤་རེར། དེའི་མཚམས་ལ་རྟ་བབ་གཉིས་པ་ཁ་ནུབ་བྱང་༢༨༦་ལ་ཕྱོགས་པ་རྒྱ་མི་ཀྲར་༣་ཙམ་ཤིང་བརྐོས་སྒོ་ཟུང་སྟ་འབབ་སྟེང་མ་ལ་ཏོག་༣།  … More མཆོད་རྟེན་བྱ་རུང་ཁ་ཤོར་བགྲོད་པའི་ལམ་ཡིག།

དྷེ་ར་དྷུན་ལ་བགྲོད་པའི་ལམ་ཡིག། ཐོག་མར་དྷེ་ར་དྷུན་མིང་འགྲུབ་ཚུལ། ཡུལ་སྐད། [དྷེ་ར་]དང་སམ་ཏྲི་ཏའི་ཚིག་[དྷྲོན་]གཉིས་བསྡུས་ཀྱིས་རྗེས་གྲུབ་གྱི་མིང་ཞིག་སྟེ། དྷེ་ར་གོ་དོན་ནི་རོང་ས་ཆུ་གཞུང་འདུས་པའི་དམའ་ས། དེ་ཡང་རྒྱ་གར་བྱང་ཕྱོགས་རི་བོ་ཧི་མ་ལའི་ལ་མཇུག་མངའ་སྡེ་ཨ་ཏར་ཁནྡ་ནང་གི་རྫོང་ཆེས་ཤོས་ཤིག་ཡིན། དེ་ཡང་དྷེ་ར་དྷུན་གྱི་མིང་གི་རྒྱབ་བྱུང་ཡིག་ཚང་ནང་རྒྱའི་བཙུན་པ་ཐང་སེན་གནས་འདིར་ཞབས་ཀྱིས་བཅགས་ཡོད་འདུག ཁོང་གི་ལམ་ཡིག་ནང་གནས་འདིའི་མིང་[སུ་དྷ་ན་ག་ར་]་Sudhanagara འཁོད་ཡོད་པར་བཤད། དུས་ཀྱི་གྱུར་འགྲོས་ཀྱིས་ལུང་པའི་མིང་གི་སྒྲ་དང་མིང་དོན་ཡང་གྱུར་ཏེ་་མིང་འདོགས་ཚུང་འགའ་ཡིག་ཆ་དང་ཁ་རྒྱུན་ནང་འདུག ད་ཆ་དྷེ་ར་དྷུན་ཡོངས་སུ་གྲགས། མིང་འདི་ངས་ཚོད་དཔགས་བྱས་ན་དུས་རབས་༡༧་ཡས་མས་ཤིག་ལ་ཡོངས་གྲགས་ཆགས་པ་མིན་ནམ་སྙམ། དུས་རབས་དེའི་སྐབས་ལ་སིག་ཆོས་ལུགས་ཀྱི་གུ་རུ་བདུན་པའི་སྲས་ཆེ་བ་[རམ་རཡི]་ཆོས་ཕྱོགས་ཀྱི་མཛས་འཕྲིན་སྐྱོང་པའི་སྐབས་གནས་གང་སར་གནས་སྐོར་བའི་ཚ་ཕོག་རྒྱབ་སའི་གནས་གཞིས་བཙུགས་པའི་གནས་ས་ལ་[དྷེ་ར]་ཞེས་ཐ་སྙད་འདོགས་པས་དྷེ་ར་ཞེས་སྤྱི་མིང་ལ་གྱུར་བར་སེམས། རྒྱ་གར་རྒྱལ་ས་ལྡི་ལི་ནས་སྤྱི་སྤྱོད་རླང་འཁོར་འབབ་ཚུགས་ISBT Delhi ནས་དྷེ་ར་དྷུན་་ISBT Derahdun བར་བགྲུད་ལམ་ཆུ་ཚོད་༥་ནས་༦་བར་ལམ་ཐག་འདུག  ཅི་སྟེ་དྷེ་ར་དྷུན་ལམ་ཡིག་གལ་ཆེན་ཡིན་ནམ་ཞེས་ན། གནས་འདི་ནི་ནང་པ་དང་ཕྱི་པ་གཉིས་ཆའི་་གནས་ཆེན་བརྒྱ་ཕྲག་གི་གནས་སྒོ་ལྟ་བུ་ཡིན། གནས་འདི་ན་ང་ཚོའི་བོད་རྒྱུད་ནང་བསྟན་གྱི་བྱེས་ཀྱི་གདན་ས་མང་པོ་ཞིག་ཆགས་ཡོད། གདན་ས་གཙོ་ནོ་ཁག་ས་སྐྱའི་གདན་ས་ཆེན་མོ། ས་སྐྱའི་མཐོ་སློབ་ཆེན་མོ། ས་སྐྱའི་ཁྲི་འཛིན་གྱི་ཕ་བྲང་། ད་ལན་གུས་པའི་བགོད་བྱ་གཙོ་བོ་བྱེས་ཀྱི་གདན་ས་ཆེན་པོ་སྨིན་གྲོལ་གླིང་། བཀའ་རྒྱུད་ཆོས་སྐོར་གླིང་། དགེ་ལུགས་པའི་གདན་ས་བཀྲ་ཤིས་སྒོ་མང་བཅས་བོད་པའི་གཞིས་ཆགས་དོན་འགྲུབ་གླིང་གི་ཆགས་རབས་དང་ངོ་སྤྲོད་འགོད་པར་འདོད། གོང་བཀོད་བྱེས་ཀྱི་གདན་ས་གསུམ་ལ་བགྲོད་པ་ལ་ཐོག་མར་མངའ་སྡེ་ཨ་ཏར་ཁནྡ་གྱི་རྫོང་གི་རྒྱལ་ས་དྷེ་ར་དྷུན་དེའི་ནང་གི་གྲོང་སྡེ་ཀེལེ་མེན་ཏྲོན་སླེབ་དགོས།  གྲོང་སྡེ་ཀེལེ་མིན་ཏྲོན་ནི་དྷེ་ར་དྷུན་རྒྱལ་ས་དཀྱིལ་མ་ནས་ཀི་ལོ་མི་ཏྲར་༣་མཚམས་ན་ཡོད། གྲོང་སྡེ་འདི་རྒྱ་གར་དམག་སའམ་དམག་གི་རྟེན་གཞིས་བྱས་པའི་གྲོང་པ་ཞིག་ཡིན་པའི་ངོས་འཛིན་ཡོད། དེའི་ནང་ནས་བོད་པའི་གཞིས་ཆགས་སུ་བགྲོད་པ་ལ་ཡུལ་མིང་ངོས་བཟུང་དགོས་པས་གཞིས་ཆགས་འདི་ལ་ཡུལ་མི་སྤྱིས་མིང་ངོས་འཛིན་པའང་ངོ་ཤེས་པ་ནི་[ཀེལི་མིན་ཏྲོན་བུ་དྷ་ཏེམ་པལ]ལམ་[ཀེལེ་མིན་ཏྲོན་ཏིབ་ཏི་ཀོ་ལོ་ནི]བོད་པའི་མིང་[དོན་ལྡན་གླིང་གཞིས་ཆགས] བཅས་བརྗོད་ན་སྟབས་བདེས་ངང་ནས་དེར་སླེབས་ཐུབ། ཡིནའང་བོད་པའི་མིང་དོན་ལྡན་གླིང་མིང་ཤེས་པར་དཀོན། འདི་བར་སྤྱི་བཤད་ཙམ་གྱི་ཐུད་པར་བགྱིས། ཕྱི་ཟླ་༡༠་པའི་ཚེས་༡༤་ཉིན་གུས་པ་རྒྱ་གར་གྱི་རྒྱལ་ས་ལྡི་ལི་སྤྱི་སྤྱོད་རླགས་འཁོར་འབབ་ཚུགས་ISBT Delhi་ནས་ཨུ་ཏར་ཁནྡ་རྒྱལ་ས་དྷེ་ར་དྷུན་ལ་ISBT Derahdun་བར་དྲྭ་རྒྱ་ནས་འཛིན་བྱང་ཧིན་སྒོར་༦༠༤་ཉོས་ཏེ་ཆས། ལམ་བར་ཆ་ཚོད་ལྔ་དྲུག་འགོར་སོང་། ISBT Derahdun ནས་ཀེལེ་མན་ཏྲོ་བོད་པའི་གཞིས་ཆགས་བར་མོ་ཏྲ་ཆུ་བ་འཁོར་ལོ་གསུམ་ཅན་ཏྲེམ་པུ་ནང་ཆུ་ཚོད་སྐར་མ་༣༠་ནས་༤༠་ཡས་མས་ཐོག རིན་གོང་སྒོར་༡༠༠་ཙམ་གནས། གཞུང་སྒོ་མཚམས་ཀྱི་ལམ་ཆེན་འདིའི་མིང་ལ་[ན་ཡ་བས་ཏི་]གྲགས།  ལག་གཡོན་ཕྱོགས་ལ་དམག་སའི་ལྕགས་རའི་ས་མཚམས་དང་གཡས་ཕྱོགས་ན་བོད་པའི་གཞིས་ཆགས་ཀྱི་ས་མཚམས་ཀྱི་ངོ་བོ་ཁང་ཆེན་ཚོང་ཁང་ཁ་ལམ་ཕྱོགས་ལས་གཏད་ནས་བསྟར་བསྒྲིགས་ནས་འདུག བོད་པའི་གཞིས་ཆགས་ལམ་ཆེན་འདི་ནས་ནུབ་ཀྱི་ཕྱོགས་ན་ཆགས་འདུག ལམ་ཆེན་དཀྱིལ་མ་ན་བོད་བཟོའི་རང་བཞིན་གྱིི་གཞུང་སྒོ་ཆེན་པོ་ཞིག་རྒྱ་སྒོའི་ཀ་ཆེན་གཡས་གཡོན་གཉིས་ལ་གཞིས་ཆགས་ཀྱི་འཛུགས་སྐྲུན་ལོ་རྒྱུས་རྡོ་ལ་བཀོད་ནས་སྐད་གཉིས་དབྱིན་ཇི་དང་བོད་ཡིག་ཐོག་ནས་མཇལ་རྒྱུ་འདུག ཀ་ཆེན་སྟེང་གི་ཡིག་བྱང་ནས་གཞིས་ཆགས་ཀྱི་ལོ་རྒྱུས་གལ་ལ་གང་མཚམས་ཀྱི་ཤེས། རྒྱ་སྒོ་འདི་ནས་ཡར་འཛུལ་སྐབས་ལམ་གཡས་གཡོན་གཉིས་ཀར་བོད་མི་དང་རྒྱ་གར་ཡུལ་མིས་གཉེར་བའི་ཚོང་ཁང་ཟ་ཁང་སྟར་བསྒྲིགས་ནས་ཡར་མཐའ་མཚམས་བྱེས་ཀྱི་གདན་ས་བཀྲ་ཤིས་སྒོ་མང་གི་གྲྭ་ཚང་མ་བསླེབ་མཚམས་བར་འདུག ཡིནའང་ཚོང་ཁང་དེ་དག་གི་ཁང་བདག་ནི་བོད་མི་རང་ཡིན་འདུག  ཐོག་མར་དོན་འགྲུབ་གླིང་གི་གཞིས་ཆགས་ཀྱི་བཀོད་པ་ནི་འདི་ལྟར་སྣང་། གཞིས་ཆགས་འདི་གྲོང་གི་འཆར་གཞི་ལ་ཡིད་རངས་མངགས་བརྗོད་ཞུ་དགོས་པར་སེམས། གཞིས་ཆགས་ཀྱི་གྲོང་སྡེ་ཡོངས་སུ་སྲང་ལམ་དབྱིན་ཇིའི་གསལ་བྱེད་ཨེ་བྷི་སི་ནས་མིང་འདོགས་གནང་འདུག འགྲོ་ཕྱོགས་དང་ངོ་འཕྲད་པ་སྟབས་བདེ་པོ་བཟོས་འདུག གཞུང་སྒོ་འདི་འཁོར་ལམ་A་B་ནས་ཡར་ཤར་ཕྱོགས་ནས་འཁོར་ལམ་རྒྱུད་དེ་ཤར་མར་བསྐྱོད་ན་ཤར་ཕྱོགས་ནགས་ཀྱི་མཚམས་ན་བྱེས་ཀྱི་གདན་ས་བཀྲ་ཤིས་སྒོ་མང་མཇལ། ད་ལྟ་འགྲོ་བཞིན་པའི་འཁོར་ལམ་འདི་སྲང་ལམ་མིང་གཡས་ལ་ཨེ་དང་གཡོན་ལ་བྷི་ཞེས་ངོས་འཛིན་དགོས། … More དྷེ་ར་དྷུན་ལ་བགྲོད་པའི་ལམ་ཡིག།

ཤ་ཉེ་སྤུན་མཆེད་དང་དྲྭ་གྲོགས་ཡོངས་ལ་འཚམས་འདྲི་བཀྲ་ཤིས་བདེ་ལེགས་ཞུ། བོད་ལོ་༢༡༥༢་རབ་གནས་ཤིང་སྦྲུལ་ལོ་གསར་འདི་ནས་མི་ཚེ་ནང་དུས་ཚོད་ལ་དམ་འཛིན་གྱིས་སོ་སོའི་ལས་དོན་བྱེད་ཕྱོགས་འཐད་།  ཁྲིམས་རང་འཁུར་གྱི་དུས་ཚོད་རེའུ་མིག་འོག་ནས་ལས་དོན་བྱ་རྒྱུའི་དམ་བཅའ་བཞི། ༡༽ ནམ་གྱི་ཆ་སྟོད་ཆུ་ཚོད་བཞི་པར་མལ་ནས་ལངས་ནས་སོ་སོ་ཉིན་ཞག་ཕྲུགས་གཅིག་གི་ཁ་ཏོན་དགེ་སྦྱོར་ནས་ཉིན་བསུ་རྒྱུ། ༢༽ དཔེ་ཆ་བློ་འཛིན་དང་འབྲེལ་བའི་དཔེ་ཀློག་བྱ་རྒྱུ། ༣༽ ལོ་འདིའི་གཙོ་ཆེ་ཤོས་༧གོང་ས་མཆོག་དགུང་གྲངས་༩༠་ལ་འཕེབས་པས་དགུ་སྟོན་དང་བྱམས་བརྩེ་ལོ་སྲུང་ཆེད་༧གོང་ས་མཆོག་གི་གསུང་འབུམ་གང་མང་བཀླག་རྒྱུ། ༤༽ ལོ་འདི་ནང་བོད་ཡིག་ཡར་རྒྱས་གཏང་རྒྱུ་དང་འབྲེལ་བའི་བོད་ཡིག་དཔོད་བྲིས་གང་མང་བྱ་རྒྱུ།     རྣམ་པ་ཚོས་མི་རྒན་རྒན་ཁོག་དུར་སར་འགྲོ་རྩི་མ་བྱེད་པར་བོད་ཡིག་སྦྱངས་ནས་ཅི་བྱ་དགོངས་སྲིད། ང་ནི་ཕྱི་མ་དོན་གཉེར་གྱི་གང་ཟག་ཞིག་ཡིན་པས། ས་པཎ་མཆོག་གི་ལེགས་བཤད་དེའི་རྗེས་སུ་འབྲངས་ནས། རིག་པ་ནངས་པར་འཆི་ཡང་བསླབ།། ཚེ་འདིར་མཁས་པར་མ་གྱུར་ཀྱང་།། སྐྱེ་བ་ཕྱི་མར་བཅོལ་བ་ཡི།། ནོར་ལ་རང་ཉིད་ལེན་པར་འདྲ།།  ངའི་དམ་བཅའ་བཞི་པོ་འདི་མི་འགྱུར་རྟག་ཏུ་ལག་བསྟར་འཐུབ་པའི་སྙིང་སྟོབས་དང་རྒྱུན་གནས་ཡོང་བར་རེ་སྨོན་ཞུ།

༼ ཉ་ཕྲུག་ཆུང་ཆུང་གི་ཆག་སྒོ་དང་ལས་དབང་།༽ ཕྲུ་གུའི་དབྱར་ཁའི་སློབ་གྲྭའི་གུང་སེང་བྲེལ་བྲེལ་འཚུབ་འཚུབ་དང་དགའ་དགའ་སྤྲོ་སྤྲོ་ངང་ནས་མཇུག་རྫོགས་པ་དང་། སྤྱི་ཟླ་དགུ་པ་ཚེས་དུས། རྒྱལ་ཡོངས་སློབ་གྲྭ་འགོ་འཚུགས། ཕྲུ་གུ་རྣམས་སླར་ཡང་སློབ་གྲྭའི་མདུན་སྒོ་བསུས། དེ་དང་སྟབས་བསྟུན་རང་རིགས་བོད་པའི་གཟའ་མཇུག་སློབ་གྲྭས་ཀྱང་སློབ་གྲྭའི་སྒྲིག་གཞི་དང་སློབ་དུས་གསར་པའི་སློབ་མ་ཚོ་ཡི་འཛིན་གྲྭའི་ཁྱབ་ཁུངས་སོགས་གསལ་བསྒྲགས་ཤིག སྤྱི་ཟླ་༩་པའི་ཚེས་༣་ཉིན་WhatsApp བརྒྱུད་ནས་ཕ་མ་ཚོ་ལ་བྱོར།               ཟློས་གར་གྱི་ལེའུ་དང་པོ། གསལ་བསྒྲགས་ཀྱི་ནང་དོན་གཙོ་བོ་ད་ལོའི་སློབ་དུས་གསར་པའི་སློབ་མའི་སྡེ་ཚན་དང་དགེ་རྒན་སུ་སུ་ཡིན་པའི་ངོ་སྤྲོད་གསལ་བསྒྲགས་རེད་འདུག གསལ་སྒྲགས་འདི་བོད་རིགས་ཚོགས་པའི་གཟའ་མཇུག་སློབ་གྲྭའི་སློབ་མ་ཆུང་ཆུང་། བུ་མོས་མཐོང་བ་དང་ཡིད་སྐྱོ་བའི་ངུ་ངག་དང་བཅས་ཏེ་མདུན་ཏུ་ཡོད་པའི་རང་གི་ཨ་མ་ལགས་ལ།  ང་གཟའ་མཇུག་སློབ་གྲྭར་འགྲོ་རྒྱུ་མིན་བཅས་ངུ་ངག་གིས་མཐའ་ཚིག་བསྒྲགས། སྐབས་དེ་དུས་མདུན་དུ་ཡོད་པའི་ཨ་མ་ལགས་ཀྱིས་ཁ་ཏ་བསླབ་བྱ་གང་མང་བྱས་ཀྱང་བུ་མོས་མཐའ་གཅིག་ཏུ་མི་ཉན་པར་རྒྱུ་མཚན་མང་པོ་ཞིག་གྲངས། བུ་མོའི་རྒྱུ་མཚན་ནི་འདི་ལྟར། ང་གཅིག་པོ་འཛིན་གྲྭ་ནས་མར་ཕུད་འདུག ངའི་སློབ་གྲོགས་ཡོངས་རྫོགས་འཛིན་གྲྭ་གོང་མར་ཡར་སྤར་འདུག ཅེས་ངུ་འབོད་ཀྱིས་གནས་ལུགས་བཤད། སྐབས་དེ་དུས་ཨ་མ་ལགས་ཀྱིས་ཐབས་མཁས་ཀྱི་རང་གི་བུ་མོ་ལ་ཁ་འཇམ་ཚིག་བཟང་གིས་སེམས་གསོ་དང་སྦྲགས། འགྲིག་འགྲོ་གི་རེད་བཅས་ཕྲུ་གུར་སེམས་གསོ་བཏང་། དུས་སྐབས་དེ་རང་ལ་རང་གི་གྲོགས་མོ་ཞིག་ལ་ཁ་པར་བརྒྱུད་ནས་གནས་ལུགས་འགྲེལ་བཤད་དང་ཐབས་ཤེས་ཀྱི་ཚུལ་ཏུ་བུ་མོའི་དགེ་རྒན་ལགས་ལ་རེ་བསྐུལ་གྱི་ཁ་པར་ཞིག་གཏོང་རོགས་གྱིས་བཅས་མངག་ཆ་བྱས། ཁ་པར་གྱི་གཏམ་མཇུག་བསྡུས་པ་དང་སླར་གཟའ་མཇུག་སློབ་གྲའི་འགན་འཛིན་ག་གེ་མོ་ཞིག་ལ WhatsApp སྐད་འཕྲིན་བརྒྱུད་ནས་རང་གི་བུ་མོའི་གནས་སྟངས་དང་བུ་མོས་གང་བཤད་པ་ཇི་མ་ཇི་བཞིན་ནང་ཚགས་བློ་ཉེ་པོས་ཚུལ་ཏུ་འགྲེལ་བཤད་དང་ད་ལན་བུ་མོ་ལ་བསམ་ཤེས་ཀྱི་ཐབས་ཤེས་གནང་རོགས་བྱེད་བཅས་རེ་སྐུལ་གྱི་སྐད་འཕྲིན་བསྐུར།      ལེའུ་གཉིས་པའི་འཁྲབ་ཚན། གདང་དགོང་སྐད་འཕྲིན་གྱི་སྐད་ལན་བྱོར། ལན་འདེབས་ནང་དོན་ནི། བུ་མོའི་ཨ་མ་ལ། ཁྱེད་རང་གིས་བསམ་ཤེས་བྱེད་རོགས། ང་ཚོ་བྱེད་ཐབས་ཁག་པོ་འདུག་ཅེས་ཚིག་འཇམ་དོན་སྟོང་རེ་བ་མེད་པའི་ལན་ཞིག་གིས། སྐད་འཕྲིན་གྱི་བརྒྱུད་ལམ་དེ་ནས་ཆད། སྐད་ཆ་ཤོད་སྟངས་འདི་ནི་སྣངབ་ཅི་ནས་འགྲོ་མ་སོང་། འདི་ལས་འགན་ཡོད་པའི་མིའི་སྐད་ཆ་ཤོད་སྟངས་མ་རེད། ང་ལ་དགོས་པའི་ ལན་འདི་བུ་མོ་མར་ཕུད་པའི་རྒྱུ་མཚན་གནས་ལུགས་སྒྲིག་གཞི་གང་གིས་གནས་དབྱུང་གཏོང་བ་སོགས་གནས་ལུགས་འགྲེལ་དགོས། དེ་ནི་ཐབས་ལམ་དང་འགྲིག་ཐབས་ཀྱི་སྐད་ཆ་མིན་པ་ཚུར་ཁ་བཀག་ཡ་ཁ་འཇམ་དོན་སྟོང་གི་སྐད་ཆ་རེད། དེ་ནས་བུ་མོ་དང་འབྲེལ་ཡོད་གཞུང་དྲང་སེམས་བཟང་གི་གྲོགས་པོ་གྲོགས་མོ་འགའ་བློ་འཚབ་ནང་དུ་ལྷུང།  བར་སྐབས་འདི་ལ་ཐབས་ཤེས་གང་ཡོང་ཅི་ཡོང་གིས་བུ་མོ་བཟའ་ཉི་མའི་ཉིན་སློབ་གྲྭ་སྐྱོད་ཐུབ་པའི་ཐབས་ཤེས་འཚོལ་རུང་འབྲས་བུ་མ་བྱུང་། དེ་ནས་གཟའ་མཇུག་གཟའ་ཉི་མའི་སློབ་གྲྭའི་ཉིན་མོ་སླེབས་པ་དང་། དུས་ལྟར་ཕ་མ་དང་ཕྲུ་གུ་གཞན་རྣམས་སློབ་གྲྭར་སོང་། ཨ་མ་དང་བུ་མོ་གཉིས་གཟའ་ཉི་མའི་སློབ་གྲྭར་འགྲོ་ཐུབ་མ་སོང་། དེ་རིང་གི་གཟའ་ཉིན་མ་འདི་སློབ་གྲའི་ཉིན་དང་པོ་དེ་ཡིན་པས་ཕྲུ་གུ་ཚོར་དགའ་སྣང་སྤྲོ་སྐྱིད་ངང་རང་རང་གིས་དབྱར་གཞུང་སྐབས་གང་བྱས་གང་མཐོང་གང་ཟས་སོགས་ཀྱི་ལོ་རྒྱུས་དང་གནས་ཚུལ་མང་པོ་ཞིག་འགྲེལ་རྒྱུ་ཡོད་པ་དང་། དེ་མ་ཟད་དུས་ཡུན་རིང་པོས་བར་ཆོད་པས་གྲོགས་པོ་གྲོགས་མོ་སླར་ཐུག་རྒྱུའི་དགའ་ཚོར། ཡང་སྐྱར་མཉམ་འཛོམས་རྩེད་མོར་རྩེ་རྒྱུའི་གོ་སྐབས་བཟང་པོ་འདི་ཡིན་རུང་། གོང་གི་གནད་དོན་རྐྱེན་པས་སྤྲོ་སེམས་འཁོལ་བའི་རེ་བ་འདི་མི་འདོད་བཞིན་སེམས་སྡུག་ལྕིད་མོས་གནོན།  ད་བྱེད་ཐབས་བྲལ་རི་དགས་རྨས་མ་བཞིན་རང་ཚང་ནང་དུ་འཁུམས་ནས་གཟའ་ཉི་མ་འདི་གྲོགས་མེད་འཁྱེར་རྐྱང་ངང་བཞུད།               ལེའུ་གསུམ་པའི་འཁྲབ་ཚན། ད་ཉམ་ཆུང་བུ་མོ་འདིའི་དོན་རྐྱེད་དེ་ཛ་དྲག་ཏུ་སོང་སྟེ་སྤྱི་ཚོགས་ཀྱི་གླེང་སློང་གི་བརྗོད་གཞི་ཞིག་ལ་འགྱུར་མགོ་ཚུགས། དེ་མཚམས་ནས་བུ་མོའི་ཨ་མ་ལ་ལན་གཉིས་པ་འདི་ཁ་འཇམ་དོན་སྟོང་བའི་ལན་འདི་ལྟར་འབྱོར། སློབ་གྲའི་འགན་འཛིན་ལྷན་ཚོགས་ཀྱི་མཐུས་མི་འགས་ནང་གྲོས་བྱས་པས་མཐའ་སྡོམ་ཁྱེད་རང་གི་བུ་མོ་ཡར་གཏོང་རྒྱུའི་ཐག་གཅོད་ཟིན་པ་ཡིན། ཡིནའང་དགེ་རྒན་འགྲེས་པོ་ཁོང་གི་ལན་ལ་བསྒུགས་ནས་ཡོད་ཅེས་གནད་དོན་འདི་སླར་ཐག་གཅོད་མེད་པར་རང་གནས་སུ་ལུས། ལེའུ་བཞི་པ། དོན་རྐྱེན་གྱི་གཞི་མ་འཚོལ་ཞིབ། བུ་མོའི་ཨ་མར་སྔ་ཕྱིའི་ལན་འདེབས་དང་སྤྱི་ཚོགས་ཀྱི་བདེན་རྫུན་གྱི་དཔྱད་ཞིབ་གྱི་བདེན་དཔང་། … More དབྱིན་ལཎ་བོད་རིགས་ཚོགས་པའི་གཟའ་མཇུག་སློབ་གྲྭའི་ཟློས་གར།