ཚེས་༢༩་ཉིན་hiking in london club་གོ་སྒྲིགས་འོག་ལྷོའི་མུ་འབྲེལ་ལ་བརྒྱུད་ལ་གོམ་བགྲོད་ལ་ཕྱིན་པའི་ཉམས་མྱོང།   དེ་རིང་གི་གོམ་བགྲོད་ནང་ཁྱོན་བསྡོམས་མི་གྲངས་བཅོ་ལྔ་འདུག མི་རིགས་འདྲ་མིན་སྐད་རིགས་མི་འདྲ་བ་མང་ཆེ་བ་ཡུ་རོབ་དང་གླིང་ཕྲན་གཞན་ནས་ཡིན་འདུག དབྱིན་ལེན་ནང་གྲགས་ཆེ་བའི་མུ་འབྲེལ་ལ་བརྒྱུད་ཆེན་པོ་གཉིས་ཡོད་པས།  བྱང་གི་མུ་འབྲེལ་ལ་བརྒྱུད་དང་ལྷོའི་མུ་འབྲེལ་ལ་བརྒྱུད་གཉིས་ཀྱི་ཡ་གྱལ་ལྷོའི་མུ་འབྲེལ་ལ་བརྒྱུད་ཀྱི་ངོས་སྤྲོས་དང་ཁྱད་ཆོས་དོར་ཙམ་ཞུས་ན། མུ་འབྲེལ་ལ་བརྒྱུད་འདི་ནི་ཨི་ཅིང་ཝེ་ལི itchen valley ནས་ ཨིས་སུ་སེཀས སེ་ཝན་སིས་ཏར་East Sussex Seven sister coast ་བར་ལ་ལུང་ཆེ་མ་ཆུང་རིམས་ཀྱི་བསྟར་ཆགས་སུ་འབྲེལ་ནས་ཡོད། SevenSister coastal end point.ལ་མཇུག་རྒྱ་མཚོའི་ངོགས་བར་ཐུག་ཡོད། མུ་འབྲེལ་ལ་བརྒྱུད་འདི་མི་ལོ་སྟོང་གི་རིང་མི་ལམ་རྟ་ལམ་མེས་པོ་རྣམས་ཀྱི་རྐང་རྗེས་བསུབས་ཏུ་མེད་པ་ཤུལ་རྗེས། ད་ལྟའང་ཕྲ་ལམ་མེར་ཡོད་པའི་རྐང་ལམ་འདིའི་སྟེང། ་ངས་མེས་པོ་རྣམས་ཀྱི་བརྒྱུད་མཐུད་དེ་མི་རབས་གསར་པ་མཐོ་སྒང་རྩམ་ཟན་མི་རབས་གཉིས་ཀྱིས་གྱང་མཆོད་པའི་ཡུལ་གྱར་བ་བོད་རིགས་ངས་རྐྱང་རྐང་པའི་རྗེས་ཞིག་འཇོག་སྟེས། ལ་སྐོར་གཡས་སྐོར་ཡུག་ཅིག་དང་གཡོན་སྐོར་ཡུག་ཅིག་ཕྱིན་པའི་བར། གཡས་ཕྱོགས་ཀྱི་ལ་ལུང་དང་གཡོན་ཕྱོགས་ཀྱི་ཡུལ་ལྗོངས་ཀྱི་མཛེས་ཆོས་ལ་མངོན་པར་ཉམས་སུ་མྱོང། མ་གཞི་ནས་མི་ལོ་སྟོང་ནས་མི་རབས་ནས་མི་རབས་བརྒྱུད་ནས། གནས་འདིར་རྐང་བགྲོད་གྲངས་མེད་ཀྱིས་བཞུད་ཡོད་པའི་ལོ་རྒྱུས་ལྡན་པའི་རྐང་ལམ་རིང་མོ་འདིར། རང་རང་སོ་སོས་མདུན་ལམ། དམིགས་ཡུལ་ངེས་ཅན་རེ་འཁྱེར་ནས་གནས་འདིར་བསྐྱོད་ཡོད་གཤིས། བདག་ནི་དམིགས་ཡུལ་ངེས་ཅན་གྱིས་སྟོང་པས་དགའ་དགའ་སྤྲོ་སྤྲོ། འགའ་ཞིག་གིས་ངག་སྒོ་ནས་སྙན་འཇེབས་ལྷོ་མཐའི་ལ་བརྒྱུད་ཀྱི་ཁྱད་ཆོས་དང་། དྲ་རྒྱའི་ནང་གི་ཡིད་ཕྲོག་ངོ་སྤྲོད་དག་གིས་འགོག་ཏུ་མེད་པའི་འདུན་པས་གནས་འདིར་སླེབས།  གནས་འདི་དག་རང་གིས་དབང་ཤེས་དངོས་སུམ་མཚན་མས་མྱོང་སྐབས་ད་གཟོད་གནས་འདིར་ཡོང་དགོས་པའི་དགོས་དོན་གྲུབ་འདུག་བསམ་པས་ཡིད་ལ་ལྷག་པར་སྤྲོ་བ་བཏད། གནས་འདི་ད་ལྟའི་བར་མི་མཉམ་རང་འབྱུང་ཁམས་ལ་གནོད་ཚད་མེད་པ། གསོན་པོར་བརྗིད་ཞིང་ཆགས་པ། ཡུལ་སྐོར་སྤྲོ་འཆམ་པས་དུས་ནས་དུས་སུ། ཡིད་སེམས་གཉིས་ནས་རང་དབང་མེད་པར་མངོན་པར་སྟོད་པའི་ཡུལ་དུ་གྱུར། ལ་བརྒྱུད་འདི་ལ་ལ་སྐོར་འགྲོ་རྒྱུའི་ཆེད་བདག་གི་གྲོགས་པོ་བི་ཤོབ་ཟླ་བ་ལགས་ཚེས་༢༨་དགོང་མོ་ནས་ངའི་ནང་ལ་འབྱོར་ནས་ཡོད། ཁོང་ངེད་གཉིས་ཚེས་༢༩་ཞོགས་པ་སྔ་པོ་ནས་་Farrington station ལ་ཐོན་ནས་རི་ལི་འབབ་ཚུགས་འདིར་རྐང་བགྲོད་པ་གཞན་དང་ལྷན་འཛོམས་ཀྱི་དུས་སྟབས་ནས་Farrington to Brihgton train station ་བར་སྐྱོད། ངེེད་གཉིས་ཆུ་ཚོད་༧་ཡས་མས་ཤིག་ལ་ནང་ནས་ཐོན།་ཆུ་ཚོད་༨་པར་Farrington Station ལ་འབྱོར། མི་རིང་བར་རྐང་བགྲོད་པ་གཞན་རྣམས་རིམས་ཀྱི་འབྱོར་སྟེ་ཆུ་ཚོད་༨་༣༠་ཐོག་ Thames link … More ལྷོའི་མུ་འབྲེལ་ལ་བརྒྱུད་ལ་གོམ་བགྲོད་Southdown and Brighton Hiking

དེ་རིང་ངས་དབྱིན་ཇི་རྒྱལ་ཁབ་དང་གཞུང་དམངས་གཉིས་ལ་བཀའ་དྲིན་རྗེས་དྲན་ཞུ་འདོད་བྱུང་། ཐོག་མར་ཀུན་སློང་སྐྱབས་གནས་དམ་པ་མཆོག་གསུམ་གྱི་སྐྱབས་འགྲོའི་བསླབ་བྱ་དང་མི་འགལ་བའི་ངང་ནས། གླིང་ཕྲན་གསུམ་ལ་མངའ་དབང་བསྒྱུར་ཅིང་མི་འཇིགས་སེང་གེའི་ཁྲིད་ལ་འཁོད་ཡོད་པའི རྒྱལ་མོ་ Queen Elizabeth མཆོག་ལ། སྒོ་གསུམ་གུས་པ་ཆེན་པོས་ལག་གཉིས་སོར་བཅུ་སྤྱིར་བོར་བཏེགས་ཏེ་གུས་ཕྱག་འཚལ། སྐབས་བསྟུན་ལས་ཐོག་དབང་འཛིན་པBoris Johnson གཙོ་བའི་བློན་འཁོར་དང་མངའ་བདག་Sadiq khan དང་། རང་ཉིད་གནས་བཅའ་བའི་ས་གནས་རྫོང་དཔོན་Linda Bird བཅས་ལ་བཀའ་དྲིན་ཆེ་ཞུའོ་།། གུས་པས་ཡུན་རིང་སེམས་ན་བརྣག་པའི་བསམ་དོན་ཞིག་ནི། རང་དང་སྒོས་མཚོ་གླིང་འདིར་འཚོ་སྡོད་ཡོད་པའི་བོད་མི་རྩམ་གཟན་ཡོངས་ལ། ཕ་མ་ལས་བཀའ་དྲིན་ཆེ་བའི་རྒྱལ་ཁབ་འདི་དང་་དབྱིན་ལན་གྱི་མི་དམངས་ཀྱི་བཀའ་དྲིན་ནི། ཚེ་འདིར་འཇལ་དཀའ་བ་དང་དྲིན་གྱི་བོང་ཚད་རི་བོ་ཏི་སེ་ལས་ལྕི་བ། རྒྱ་མཚོ་ལས་གཏིང་ཟབ་པ། དེའི་གཏིང་མཐའ་དང་ལྗིད་ཚད་དཔག་དཀའ་སྟེ་སོ་སོའི་ནུས་པས་གང་ལྕོགས་དྲིན་ལན་འཇལ་བའི་སྟ་གོན་ཞིག་མི་བྱེད་ཚེ། ཕྱི་མའི་ལམ་ཕྲང་ལ་དྲིན་གྱི་འཁུར་པོ་ལྕི་བོ་འདི་ཉམ་ཆུང་ཕྲག་པར་ཐེག་ཐུབ་པའི་སྤོབས་པ་དང་། དྲིན་གྱི་བུན་སྐྱེད་ཚེ་རབས་ནས་ཚེ་རབས་འཇལ་་ཐུབ་པའི་འདེང་ཚོད་བྲལ།། དེ་རིང་སྤྱི་ལོ་༢༠༢༡ པའི་ཟླ་༢ བའི་ཚེས་༢༢་པའི་རེ་གཟའ་ཟླ་བ་ཉིན་ནས་འཆར་ཅན། སོ་སོ་རང་ཉིད་ཀྱི་ཁོ་ར་ཁོར་ཡུག་ལ་གནས་བཅའ་བའི། གྲོགས་མེད་ཁྱེར་རྐྱང་ནད་མནར་གྱིས་གདུང་བའི་འགྲེས་སོང་འགའ་ལ་ཉིན་དགུང་གསོལ་ཚིགས་ཤིག་འབུལ་རྒྱུའི་ལས་འགུལ་ཞིག་འགོ་བརྩམས།  ལས་འགུལ་འདི་ནི་དྲིན་ལན་འཇལ་ཡུལ་གང་ཟག་སུ་ཡིན་རུང། ཁྱད་དུ་འཕགས་པའི་གང་ཟག་གི་ཆེ་མཐོང་ལས་སྤྲང་པོར་ལྟོ་སྦྱིན་གཏོང་བའི་ཀུན་སློང་དང་། རང་ཉིང་ལ་ཚོང་གི་ཁེ་ཕན། སྙན་གྲགས་ཁོག་བཅངས་ཀྱི་བསམ་པ་ཡེ་ནས་སྤངས་ཏེ། འཇལ་བྱེད་ཟས་ཀྱི་ཕུལ་མཆོད་པའི་ངོ་བོ་གུས་པ་ཆེན་པོས་ལན་ལ་རེ་བ མེད་པའི། སྤྱོད་འཇུག་བསླབ་བྱས་རྒྱུད་སྦྱངས་ཏེ་ལག་ལེན་ལ་ཞུགས་པའི་ཁུལ་བགྱིས་ཏེ། གོང་ཚེས་ཉིན་དགུང་ཆུ་ཚོད་༡༢་དང་ཕྱེད་ཀའི་ཐོག་ཚ་དྲོད་ལྡན་པའི་ཉིན་རྒྱགས། ཟས་ཐུམ་ལག་གཉིས་ཀྱིས་གུས་པས་བཀྲམ་༎ བཀའ་དྲིན་རྗེས་དྲན་ཞུ་དགོས་པའི་དགོས་པ་ནི། ཕྱི་ལོ་༡༩༥༩་ལོར་རྒྱ་དམར་གྱིས་བཙན་དབང་བསྒྱུར་བའི་བོད་ཁམས་ཡོངས་རྗོགས། དམྱལ་ཁམས་སུ་བསྒྱུར་ཏེ་བོད་མི་རྣམས་སྦྲང་ཚང་ལ་རྡོ་འཕོགས་པ་ལྟ་བུ། བོད་མི་མང་པོ་ཡུལ་གྱར་ལ་བཙན་གྱིས་གྱར་དགོས་བྱུང་བས། དུས་ངན་གཉན་འཕྲང་འོག་མི་རབས་གཉིས་ཀྱི་མི་ཚེ་ཆར་རླུངཁྲོད་ཀྱི་ལ་མགྲོན་བཞིན་ཟད་པའི་མཐར་། སྐྱབས་མེད་མགོན་མེད་ང་དང་ང་འདྲ་བའི་བོད་མི་མང་ཁག་གཅིག་་ལས་སྨོན་བཟང་པོས་མཚམས་སྦྱར་བའི། མཚོ་གླིང་ཡིད་དུ་འོང་བ་སངས་རྒྱས་ཆོས་ལུགས་ནང་བྱང་ཕྱོགས་ཤམ་བྷ་ལ་ཟེར་སྐད་མི་མངོན་ཕུན་སུམ་ཚོགས་པའི་གླིང་ཞིག་ཡོད་པར་འགྲེལ་། མཚོ་གླིང་འདིའང་་དེ་དག་གིས་ཁྱས་ཆོས་ལྡན་པ་ཞིག་ཡོད་པས། བྱང་ཤམ་བྷ་ལ་་ལ་ངོས་འཛིན་ན་ཆོག རྒྱལ་ཕྲན་འདིའི་ནངབཅུད་ཀྱི་སེམས་ཅན་རྣམས་ཀྱི་ལྟ་བ། གོམས་གཤིས། བཟང་སྤྱོད་ཡ་རབས་དགེ་བ་ལ་སྤྲོ་བ། སྡིག་པར་འཛེམས་པ་གཤིས་རྒྱུད་དྲང་བ། ཁོ་ར་ཁོར་ཡུག་སྣ་འཛོམས་ཆ་རྐྱེན། དཔལ་འབྱོར་ཚན་རིག་ཡར་རྒྱས་ལ་འཛམ་གླིང་ཡུལ་གྲུ་ཀུན་གྱིས་མངོན་པར་བསྟོད་པ་དང། ཡར་རྒྱས་གཞལ་བྱའི་དམིགས་དཔེར་གླིང་ཕྲན་འདི་ལ་འགྲན་། དགེ་མཚན་དེ་དག་ལ་བསམ་ན། ངའི་ལས་སྐལ་གྱི་གླིང་ཕྲན་འདི་ནི་བྱང་ཤམ་བྷ་ལ་ལ་ངོས་བཟུང་ན་རྟོག་གེ་བ་ཤང་ཀར … More དབྱིན་ཇི་རྒྱལ་ཁབ་དང་གཞུང་དམངས་གཉིས་ལ་བཀའ་དྲིན་རྗེས་དྲན་ཞུ།

དེ་རིང་ཞོགས་པ་ངོ་དེབ་ནང་ལ་ང་ཚོའི་ས་གནས་ཀྱི་བགྲེས་སོང་{senior citizen} མཚན་ནས་སྨོས་ན་ཨོ་རྒྱན་ནོར་བུ་ལགས་ནས་ཕ་སྐད་བོད་ཡིག་གཙང་མའི་ཐོག་ནས་རང་གི་ལོ་རྒྱུས་ཤིག་འབྲི་འདོད་ཡོད་པའི་དགོངས་འཆར་ཟབ་མོ་ཞིག་བྲིས་འདུག དེ་ལ་མིག་མདངས་གཅིག་གིས་མགོ་ནས་མཇུག་བར་དུ་བཀླགས་པ་ཡིན། དེ་ལས་འཕྲོས་ཏེ་རང་ཉིད་ལ་ཚོར་ཤུགས་དྲག་པོས་ཨོ་རྒྱན་ལགས་དུས་རྒྱུན་ལྡན་ནས་བོད་ཡིག་ཐོག་མཆན་དང་བསམ་ཚུལ་འབྲི་སྤེལ་གནང་བཞིན་པར་རྟག་པར་མཇལ། སོ་སོ་རང་ཉིད་ལ་དུས་ཁོམ་ཡོད་མེད་དང་། རང་ཉིད་ཀྱིས་བོད་ཡིག་ཤེས་མིན་ལ་མ་ལྟོས་པར་ཁོང་གིས་བོད་ཡིག་བཀོལ་སྤྱོད་བྱེད་པའི་མཆན་དང་རྩོམ་ཐུང་ཇི་སྙེད་ཅིག་ཐེངས་རེ་་ཀློག་ཐུབ་པའི་འབད་པ་བྱས་། དེའི་རྒྱུ་མཚན་གཙོ་བོ་ནི་ཁོང་ཉིད་ཀྱིས་བྲིས་གནང་བའི་མཆན་སོགས་བརྫོད་བྱ་དང་རྗོད་བྱེད་དེ་དག་ངའི་སེམས་ཁམས་ལ་འཚམ་དང་མི་འཚམ་ཀྱི་གནད་དོན་མིན་པར་འདི་ནི་ཁོང་ཉིད་ཀྱིས་རང་གི་ཕ་སྐད་ལ་བཅང་བའི་ཆེད་མཐོང་དང་། ཞེན་ཁོགས། སྤོབས་པ། སེམས་ཤུགས། ལ་རྒྱ། བླ་སྲོག་ལྟ་བུའི་འདུ་ཤེས་བཟུང་སྟེ་འབད་པ་ཆེན་པོས་སྐད་ཡིག་གཞན་གྱི་བྲན་གཡོག་ཏུ་མ་སོང་བར་རང་གི་ཕ་སྐད་བོད་ཡིག་ཁོ་ན་བཀོལ་སྤྱོད་བྱས་ཏེ་སོ་སོའི་ཉིན་རེའི་འཚོ་བའི་འཆར་སྣང་དགོངས་གཞི་རྣམས་བརྡ་སྤྲོད་ལམ་ནས་ངལ་བར་བརྩོན་པ་འདི་ནི་ཆེད་ཡིད་འཕྲོག་དགོས་པའི་མིག་དཔེ་བཟང་པོ་ཞིག་དང་མི་རབས་གསར་པ་ལ་སྐུལ་མའི་གསལ་འདེབས་ཞིག་ཀྱང་ཡིན་པ་སྨོས་མ་དགོས་སོ།། ཡང་སྒོས་སུ་སོ་སོ་རང་ཉིད་ལ་ཡང་ཕ་སྐད་བོད་ཡིག་ལ་དོ་སྣང་དང་ཉིན་ལྟར་འཚོ་བའི་ནང་ལ་བོད་ཡིག་བཀོལ་སྤྱོད་བྱེད་དགོས་པའི་སྐུལ་མའི་སེམས་ཤུགས་འཕར་མ་ཞིག་ཀྱང་གནང་བྱུང་། ཁྱེད་ཀྱིས་ཕ་སྐད་བོད་ཡིག་གི་ལམ་ནས་རྩོམ་འབྲི་ལ་བརྩོན་པ་འདིས་ང་དང་ང་འདྲ་བར་ཕ་སྐད་བོད་ཡིག་ལ་ཞེན་ཆགས་ལྡན་པའི་གདོང་དམར་རྩམ་གཟན་རྣམས་ལ་ལམ་སྟོན་མིག་དཔེ་ཡར་ལྟོས་ཞིག་ཏུ་གྱུར་ཡོད། སྐབས་ཤིག་ལ་དྲྭ་རྒྱའི་གླེང་སྟེགས་ཤིག་གི་ནང་དུ་ཁོང་ཉིད་ཀྱི་གླེང་མོའི་བརྒྱུད་རིམ་ནང་དབྱེན་དཀྲུག་མཁན། མི་ཤེས་ཤེས་ཁུལ་རློམ་པའི་མཁས་བརྫུན་འགས། ཁོང་ཉིད་ལ་བོད་ཡིག་ཤེས་ཀྱི་མིན་འདུག་ཅེས་འཕྱ་སྨོད་བསྡིགས་པ་སོགས་གླེང་སློང་གནང་པ་སོགས་ཐོས་། གུས་པ་རང་ཉིད་ནས་ཀྱང་དྲྭ་རྒྱའི་ནང་མཆན་ཆུང་འགའ་དངོས་སུ་མཐོང་། ཨོ་རྒྱན་ལགས་ལ་མཚོན་ན། དགོང་ལོ་དྲུག་ཅུའི་རྗེས་ལ་བོདཡིག་སྦྱོང་ཤེས་དང་བཀོལ་སྤྱོད་འོག་ནས་ངོ་དེབ་སྒང་ལ་རང་གི་ཚོར་བ་དེ་བོད་ཡིག་སྒང་ནས་བརྡ་སྤྲོད་གནང་ཐབས་ནི་གཟི་བརྗིད་དང་མངོན་པར་བསྟོད་འོས་པ་ཞིག་རེད། ང་ཚོའི་སྤྱི་ཚོགས་ཀྱི་ཞན་ཆ་ཆེ་ཤོས་ནི་བོད་ཡིག་སྦྱོང་མཁན་དང་ཡར་རྒྱས་གཏོང་འདོད་ཡོད་མཁན་རྣམས་ནས་ཚིག་འབྲུ་འགའ་འམ་མཆན་ཆུང་གི་བརྗོད་པའི་ནང་ན་ཚིག་ཕྲད ་ཕྲན་བུ་འདྲེད་སྟབས་་ཤོར་ན་སྐྱོན་མཚང་ནམ་མཁར་འཕྱར་སྟེ་དེ་ལ་ནོར་བཅོས་བྱ་རྒྱུར་རམ་འདེགས་ཚབ་ལ་དམའ་འབེབ་་ཁྱད་གསོད་ཀྱི་འཕྱ་ཚིག་བསྣུན་ཅི་ཐུབ་བྱེད་པ་དེ་ཡིན། རང་གི་རིག་གཞུང་སྐད་ཡིག་དྲི་ངད་མ་འཐུལ་བས་བོད་སྐད་བཤད་སར་ཨིན་སྐད་ཤེས་ཁུལ་དང་ཨིན་སྐད་བཤད་སར་བོད་སྐད་ཤེས་ཁུལ་། ཁུལ་རློམ་གཉིས་ཀྱི་ནང་ནས་གཉིས་མེད་བོང་བུ་ཁྱེད་རྣམས་ནི་རང་གི་ཕ་སྐད་བོད་ཡིག་ལ་མཐོང་ཆུང་དམའ་འབེབ་བྱས། འདི་ནི་སོ་སོ་རང་ཉིད་ཀྱི་གདོང་ལ་པགས་པ་མེད་པ་ཁ་སྐྱེངས་ངོ་སྐྱེངས་མི་་ཤེས་པའི་མི་གཟུགས་ནང་གི་བྱོལ་སོང་ངོ་མ་དེ་མ་ཡིན་ནམ། ཁོང་གི་མི་རིགས་དང་འཐབ་རྩོད་ཀྱི་སྤོབས་པ་བློ་ཁོག་ལ་ང་ཚོ་སུས་ཅིག་གིས་འགྲན་མི་ཐུབ་། ཁོང་གི་མི་རིགས་གཞན་གྱི་སྐད་ཡིག་དམིགས་བསལ་ཨིན་སྐད་ནི་འཛམ་གླིང་རྒྱལ་སྤྱིའི་གླེང་སྟེགས་ལ་འགྲན་ཐུབ་པའི་འདེང་ཚོད་དང་སྤོབས་པ་དེ་ང་ཚོས་ཤེས་གསལ་ཡིན། ད་ནི་དུས་ཀྱི་ཕོ་ཉའི་བཀའ་བཙན་པོས་མཚམས་འདིར་གཏམ་མཇུག་བསྡུ་དགོས་བྱུང་བས་མཐའ་སྡོམ་ང་ཚོའི་བསྐུར་འོས་བགྲེས་སོང་ཨོ་རྒྱན་ལགས་ལ་སྙིང་ཐག་པ་ནས་སྐུ་ཉིད་ནས་ངལ་རྩོལ་ཆུ་རྒྱུན་ལས་ཕ་སྐད་བོད་ཡིག་བཀོལ་སྤྱོད་གནང་བ་ལ་བཀའ་དྲིན་་ཆེ་ཞུ་འདོད་བྱུང་།   ༄༅།། ཕ་སྐད་ཕ་གཞི་ཉམས་པའི་མུན་ནག་གླིང་། །           ཕ་སྐད་མྱུ་གུ་འདེབས་པའི་ངལ་རྩོལ་འདིས་།།           གཡུར་ཏུ་ཟ་བའི་འབྲས་བཟང་ཡོངས་སྨིན་ཏེ་།།         གསར་བཞད་རིག་་མྱུག་ཡོངས་ལ་ཚིམ་པར་སྨོན་།།